Afzack Turnus
in der Ferienkolonie Caorle
Afzack bei den Kinderferien in Caorle? Ja, auch dort findest du uns Afzack-ler! Im Caritas Ferienlager übernimmt das Afzackteam mit seinen jungen Betreuer*innen den dritten Turnus. Wie genau das aussieht, hören wir von Betreuer*innen und Kids, die selber dort waren…
…mal schauen, was sie uns für Geschichten und Eindrücke erzählen werden.
Alexander (Teilnehmer)
Colo isch für mi di schianste Zeit im Johr, es isch des wo man sich is gonze johr drauf freit. Es hoast für mi mit die Kollegen zu sein, afn Meer zu sein. Men konns a net wirklich beschreiben.
Es isch gonz a eigener Vibe, gonz a eigener Flair.
Mir passts ollm volle guat und i hons a in viele weiter empfohlen, es isch oanfoch die beste Zeit im Johr.
Julia
(Teilnehmerin)
Mir gfollt Kolonie volle, man woas olbn wos tian und oan isch nia longweilig.
Logisch gibs a oft toge wo man et so motiviert isch. Afnocht isch olbn a cools Programm und man hot olbn volle a hetz.
Man lernt echt viele Leit kennen mit denan man its no Kontakt hot.
Emma (Teilnehmerin)
I find es sein volle chillige Leit bei Kolo unten.
A die Betreuer sein volle flott weil sie sein net lei do um auf di aufzupassen sondern sein a Kollegen und Freinde.
I find a flott dass im dritten Turnus mehr lei öltere kemmen weil hel isch feiner für ins wenn net ollm so kloane Kinder ummerrennen. Jo es isch generell chillig und a dor Turnusleiter isch volle fein.
Anna (Teilnehmerin und Betreuerin)
Afzack Kolonie isch für mi es schianste vom gonzen Summer neben Afzack.
I bin als Kind a gewesen und hon sem die besten Leit kennen gelernt, di Leit de mor a nu noch 5 Johr beistian und meine besten und engsten Freunde sein. Dor dritte Kolo Turnus isch für mi generell a Ort, wo man so sein konn, wia man isch und i find sell isch so wunderbar.
Dor Flori als Turnusleiter und a viele Betreuer hobn mir im Laufe meiner Entwicklung vom Kind zum fost Erwachsenen so viel weiter kolfn. I find Afzack Turnus Kolo isch viel mear als lei 2 Wochen Ferien.
Für mi hoasts mi weiter zu entwickeln obor decht nu kindlich und spielerisch sein. Für mi hoasts viel lochn zu kennen obor a weinen und in orm gnummen werrn wenn man braucht.
Für mi hoasts zualousn und zualousn wern. Für mi isch Kolo Dr wichtigste Ort gwordn wo i am meisten lern und i hoff i konn nu longe Zeit drbei sein.
David
(Teilnehmer)
Dr afzack Turnus isch super, weil sem die geilsten leit sein, men so aktzeptiert werd wia men isch und nor a so sein konn wia men isch.
Men hot mit olle a hetz. Es werd auf jeden eingongen und Niamend kimp za kurz und jo do isch jeder Tog aufs nuie super und i hon lei schiane Erinnerungen.
Hanna (Teilnehmerin und Betreuerin)
Auch schon als Kind ging ich den dritten Turnus, mir kam es vor, als würde ich für 2 Wochen eine andere Welt besuchen.
Auch als Betreuerin geht es mir immer noch so. Es fühlt sich magisch an, für mich bedeuten diese zwei Wochen im Jahr sehr viel. Erzählungen über den Afzack-Turnus gibt es viele, doch wer selbst mit dabei war, weis nicht nur was man Tolles erlebt und macht, sondern auch wie es sich anfühlt, ein Teil zu sein. Nicht nur das Betreuerteam oder der Turnusleiter tragen an diesen 2 unvergesslichen Wochen bei, nein, es sind die Kinder, die jedes Jahr ihre Lebensfreude mitbringen und dem Team blind vertrauen.
Nichts ist schöner als das Lachen der Kinder, sie stecken dich an und dann, plötzlich, fühlt man sich selbst wieder als Kind. Etwas, dass wir nie verlieren dürfen, das Kind in uns.
Nicht nur sie lernen von uns, auch wir lernen jeden Tag etwas Neues von ihnen. Ich bin stolz ein Teil davon zu sein.
Jan (Teilnehmer)
Also i wor iz schun 3 mo kolo und letschtis johr is 1. mo in 3 Turnus wo mos weit aus am bestn gfoll hot weil a volle feina und coola betreua san!
Es isch oanfoch a mega geile zeit und man hot volle a hetz, die gonzn programme wos ungebotn werdn san oanfoch mega. Ah trotz corona letschtis johr wors volle cool, logisch wors a bissl bled wegn masken und so obo es hobs oanfoch gschoft dass dechto a mega geila zeit wor!
Af jedn voll frei i mi hoire schun widdo zi fohrn und die gonzn leit widdo zi treffn.
Anna (Teilnehmerin)
okayy also i wor letztes Johr es erste mol Kolonie und i hons mor total ondersch vorgstellt kop. I wor sogor kurz dorvor nimmer zu gean wegen den Corona-Chaos wos auser kemmen isch weil i gedenkt het dases do volle longweilig wert und das man nix mehr tean konn. ober donn bini decht gongen und i berreus net oan bissele weil des worn die scheansten und geilsten zwoa Wochen von mein Leben i hon soo viele nette Leit kennenglernt und olle sein cool und gechillt drauf gwesen de sein mir olle volle schnell wichtig gworden.
Man redet mit jeden und man hot mit jeden a hetz als het man fir 2 Wochen a nuie Familie kannt man so sogen weil de Menschen worn olle olm für mi do.
I hon so tolle Erinnerungen mit de gonzen Leit do unten. und a wenn Corona wor, hommor olm a hetz kop und olm eps zu tean kop also es wor echt nia longweilig.
Klor vielleicht in die ersten Tog honnimor zwor gedenkt dass es net so toll wert weil i hem no net mit so viele gredet hon und so ober Ende von der 1en Woche hem hot man donn schun die meisten gekennt und sich mit a poor schun ongfreindet und des isch nor schnell gongen das man inangaling die meisten gekennt hot.
Also jo wos sollin sogn Kolonie isch für mir echt volle wichtig weil do isch man für zwoa Wochen so guet wie in a ondern Welt und man hot koane Probleme und koane sorgen, lei a Hetz. und sobold i von Kolonie hoam kemmen bin hon i mi schun aufs negste Johr gfreit und i bin schun volle augreg wieder zu gean huier.
Maya (Teilnehmerin)
Für mi sein die 2 Wochen Kolonie die beste Zeit von gonzen Johr.
Leschtes Johr wors trotz Corona volle geil. Am Unfong wor i a bissl skeptisch, obr im Endeffekt bin mega froah, dass i mi net obgmeldet hon, weil de Erfohrungen und Freunde de aus de zwoa Wochen entstonden sein bleiben für olm. Es isch a bissl schwar zu beschreiben wie cool Kolonie isch, man mues es fost selber erleben dermit man wirklich versteaht wie bsunders de zwoa Wochen sein. Es beste überhaupt sein die Leit de man kennenlernt. Die Betreuer sein uenfoch super und behondeln uen wie Freunde und net wie Kinder.
Ah die Freudnschoften mit die ondern Jugendlichen de man knüpft sein mir heint no volle wichtig. Man kannt sogen, dass Kolo praktisch wie a groaße Family isch. I woas no, wenn i es erste Mol gongen bin, hon i volle Huemweah kop, obr donn hon i so geile Leit kennenglernt und so tolle Erfohrungen gmocht, dass i am Ende der zwoa Wochen gor nimmer gien gwellt hon.
Es isch toll, dass unten jeder eppes findet des ihm guet gfollt obr gleichzeitig ah nuie Sochen probieren konn.
Logisch find is ah super zwoa Wochen ohne Eltern zu sein. Am Ende mecht i no sogen, dass i echt donkbor für de Zeit bin und mega traurig, dass i huier leider zum leschten Mol gien terf :(